شِيَّعتْ بْ الحرْف
ديكْ الكلْمَة
اللِّي عوْجاتْ
فْ لقْصيدَة ميزَانْ
ديكْ الكلْمَة
اللِّي غْواهَا شيطَاني
خرْجتْ غُوثة و ُهْبالْ
منْ شَلاَّ حْبابْ
لْقِيتْ اللِّي كْفَاني
وُ تكْفاني
وُ هَضْرة..
اللَّسانْ بيهَا ثْقالْ
عـَـــرَّامْ دَ الهْمومْ
فْ الكَلبْ..
هِيــشـرْ وُ شْعــــلْ
مْنِينْ الفمْ يْسرَّبْ
خْيوطْ كحْلة
وُ يتْحلْ
يْولِّي كيـف
البرْمة وُ الكسْكاسْ
فْ التَّفْوارْ..
مَا ينْفعْ مْعاهُم قْفلْ
ــــــــــــــــــــــــــــ
الكاتب على الفيسبوك : عبد الغفور افراريج
