صليحة : الحلقة 16
فلقهوة كلست شي ربع ساعة ، جبدت لباكيا ديال الكارو ، واخا عندي لبريكة ما بغيت نجبدها ، بانت ليا بريكة عند واحد خونا أو بانت ليا فيه .. خويا واش ممكن تعطيني بريكة ؟ هادي أو كلمة قلت ليه ..
عطاني لبريكة أو من بعد قلت ليه يجي يكلس حدايا باش ما نبقى كل مرة نطلب ليه بريكة أو ينوض من بلاصتو باش يجيبها ليا ، مكانش حتى هو من العاكزين أو جا كلس حدايا .. دري واحد من الناس لي باواتهم جاو ستعمرو مراكش أو شراو رياضات أو دارو لاباس من السياحة ، يعني الدري لاباس عليه .. أنا ديما كنقدم راسي بسمية صليحة بلحق فين ساكنة أو أش كندير هي فين كنكدب على بنادم ، باش لواحد تقول ليه شي كدبة و يتيقك خاص تقول ليه النص ديال الحقيقة .. قلت ليه بلي خدامة فسونطر أبيل أو بلي تقهرت بلملل ، لي كنديرو ليوما كنديرو غدا ، كلشي كيتعاود عندي ، ما كاين حتى جديد .. الدري نساجم معيا فلهضرة أو بدا كيعاود ليا عى حياتو أو على باه أو عائلتو .. دري كيدير جميع لبليات من غير لغبرة ما عمرو جربها ، كيكمي لكارو أو لحشيش أو شيشة ، كيسكر ، فايت جرب النفحة أو لكالة ، فايت مجرب لمعجون أو لماري ، فايت مجرب لقرقوبي ، مجرب كلشي إلا لغبرة.. تافقت أنا و ياه باش غا نمشيو لواحد الدار عندهم غير خاوية ، ما فيها حتى واحد ، كيمشي ليها غير هو يقصر فيها مرة مرة ، أو تمى غا نجربو لغبرة بجوج بينا ..
وريتو كيفاش يقدر يمشي يشري لغبرة أو درت معاه فين غا نتسناه .. غير تحرك من حدايا عطيت الإشارة لخونا لي خدامة معاه أو زدت بحالي حتى أنا .. مني غنعرف بلي راه خدا شغل ، غنخلي ليه ميساج نقول ليه فيه بلي عيطو عليا فلخدمة أو ما نقد نجي دابا .. بحال هاد خوتنا مني كيتضرب لبهم شي بلان فزيرو بزربة كيديرو بلان أخر ، ما كيوحلو ، يعني داكشي لي شراه غادي يستهلكو باش ما كان ..
صافي داكشي لي كان .. الدري مع ما عمرو شرا لغبرة مشا شرا بزايد كاع ، أنا خليت ليه ميساج أو طفيت تيليفون ، ولاو عندي ثلاثة تيليفونات ، واحد خاص غير بخونا لي خدامة معاه نمرتو ما عارفة حتى واحد من غيرو أو ثاني خاص بلكليان أو ثالث هو ديالي لي كنت خدامة بيه من زمان ..
مكانش كيحساب ليا بلي أول واحد غانهضر معاه غيمشي يشري ، ما كان كيحساب ليا بلي لقضية غا تكون ساهلة بحال هكدا ، يمكن كنت خايفة كثر من لقياس ، يمكن غير صدقات هاد لمرة أو محال تصدق لمرة جاية .. غير داك دري شرا شغل أو خونا لي خدامة معاه تاصل بيا أو قال ليا باركة عليك هاد النهار رجعي بحالك لوطيل .. خدمة ساعتين ديال المكانة ما كاملة أو دابا راجعة بحالي ..
فباب لوطيل لقيت جوج ديال لبوليس واقفين كيتسناو ..
.. يتبع
فلقهوة كلست شي ربع ساعة ، جبدت لباكيا ديال الكارو ، واخا عندي لبريكة ما بغيت نجبدها ، بانت ليا بريكة عند واحد خونا أو بانت ليا فيه .. خويا واش ممكن تعطيني بريكة ؟ هادي أو كلمة قلت ليه ..
عطاني لبريكة أو من بعد قلت ليه يجي يكلس حدايا باش ما نبقى كل مرة نطلب ليه بريكة أو ينوض من بلاصتو باش يجيبها ليا ، مكانش حتى هو من العاكزين أو جا كلس حدايا .. دري واحد من الناس لي باواتهم جاو ستعمرو مراكش أو شراو رياضات أو دارو لاباس من السياحة ، يعني الدري لاباس عليه .. أنا ديما كنقدم راسي بسمية صليحة بلحق فين ساكنة أو أش كندير هي فين كنكدب على بنادم ، باش لواحد تقول ليه شي كدبة و يتيقك خاص تقول ليه النص ديال الحقيقة .. قلت ليه بلي خدامة فسونطر أبيل أو بلي تقهرت بلملل ، لي كنديرو ليوما كنديرو غدا ، كلشي كيتعاود عندي ، ما كاين حتى جديد .. الدري نساجم معيا فلهضرة أو بدا كيعاود ليا عى حياتو أو على باه أو عائلتو .. دري كيدير جميع لبليات من غير لغبرة ما عمرو جربها ، كيكمي لكارو أو لحشيش أو شيشة ، كيسكر ، فايت جرب النفحة أو لكالة ، فايت مجرب لمعجون أو لماري ، فايت مجرب لقرقوبي ، مجرب كلشي إلا لغبرة.. تافقت أنا و ياه باش غا نمشيو لواحد الدار عندهم غير خاوية ، ما فيها حتى واحد ، كيمشي ليها غير هو يقصر فيها مرة مرة ، أو تمى غا نجربو لغبرة بجوج بينا ..
وريتو كيفاش يقدر يمشي يشري لغبرة أو درت معاه فين غا نتسناه .. غير تحرك من حدايا عطيت الإشارة لخونا لي خدامة معاه أو زدت بحالي حتى أنا .. مني غنعرف بلي راه خدا شغل ، غنخلي ليه ميساج نقول ليه فيه بلي عيطو عليا فلخدمة أو ما نقد نجي دابا .. بحال هاد خوتنا مني كيتضرب لبهم شي بلان فزيرو بزربة كيديرو بلان أخر ، ما كيوحلو ، يعني داكشي لي شراه غادي يستهلكو باش ما كان ..
صافي داكشي لي كان .. الدري مع ما عمرو شرا لغبرة مشا شرا بزايد كاع ، أنا خليت ليه ميساج أو طفيت تيليفون ، ولاو عندي ثلاثة تيليفونات ، واحد خاص غير بخونا لي خدامة معاه نمرتو ما عارفة حتى واحد من غيرو أو ثاني خاص بلكليان أو ثالث هو ديالي لي كنت خدامة بيه من زمان ..
مكانش كيحساب ليا بلي أول واحد غانهضر معاه غيمشي يشري ، ما كان كيحساب ليا بلي لقضية غا تكون ساهلة بحال هكدا ، يمكن كنت خايفة كثر من لقياس ، يمكن غير صدقات هاد لمرة أو محال تصدق لمرة جاية .. غير داك دري شرا شغل أو خونا لي خدامة معاه تاصل بيا أو قال ليا باركة عليك هاد النهار رجعي بحالك لوطيل .. خدمة ساعتين ديال المكانة ما كاملة أو دابا راجعة بحالي ..
فباب لوطيل لقيت جوج ديال لبوليس واقفين كيتسناو ..
.. يتبع
