صليحة الحلقة 14 :
السيمانة بزربة دازت الله يحفظ ، معرفتها كيفاش طارت ، مكرهت كون زادت طوالت شوية ، مكرهت كون ما سالات فمرة .. بلحق هاد شي كامل كيبقى غير أحلام و أماني صافي ، سيمانة دابا سالات و لي عطا الله عطاه ، هاني راكبة فتران أو قاصدة مراكش لحمرة .. حياتي كاملة أو أنا غادية ماجية من مراكش ، بلحق هاد المرة جاب ليا الله بحال إيلا غادية ليه أول مرة ، جاتني طريق بحال إيلا تبدلات ، كلشي تغير فعيني ..
كون ما سمحات فيا ديك خيتي فمكناس ، ما غنتلاقا بهاد خونا أو ما كان غيعاوني و يرجعني لسلا .. هد القضية هي لي خلاتو زعم عليا ، هد القضية هي لي خلاتو يقتارح عليا نخدم معاه .. كون ما مشيت مع ديك خيتي لمكناس كون راه شحال من حاجة تبدلات فحياتي .. من بعد ما طرا ليا داكشي فمكناس ، كنت قررت نقلل من صحاباتي و فكرت فجواج أو هد القرار جر عليا غير لمصايب ، ديت من الزواج غير السمية أو لواليدة ديالي ماتت بلفقايس .. كون ما مشيت لمكناس كون .. هد الذكريات أو الأفكار كاملة ما عندها دابا باش تنفع ، أنا غادا دابا للخطار برجليا .. شنو ممكن نخسر كثر فهاد الدنيا ؟
كيفما دازت السيمانة بزربة حتى الطريق دازت بالزربة ، موالفة نتمحن فتران بين سلا أو مراكش ، دابا كعما حسيت بطريق فمرة .. غير نزلت فلمحطة لقيت خونا كيتسناني فلمحطة ، واخا هضر معايا فتيليفون كثر من مرة أو أنا فطريق ، كان خايف ما نجيش ، كان خايف نكون غير كنساوي معاه أولا كنكدب عليه ، بلحق أنا عطيتو كلمة ، أنا إيلا عطيت الكلمة واخا ماعرفت أش يطرا راه ندير بيها ..
مشينا نيشان للوطيل ، قال ليا ما بغيتك تفكري فوالو ، خوي بالك دابا من كلشي ، غير رتاحي .. معرفتش أنا كيفاش غنقدر نرتاح ، منين غا تجيني هاد الراحة أو أنا ما بقيت كنعس بقوة التفكير .. قال ليا بلي السلعة لي عندو دابا غير شي حاجة قليلة أو بايعة راسها براسها مع شي كليان موالف يبيع ليهم ، يعني ما محتاجة نجيب بزاف ديال لكليان جداد دابا ، يعني ممكن نخدم على راحتي أو غير بشوية عليا .. السلعة كتدخل من برة أو لقضية مزيرة هاد ليام .. باش عجبني هاد خونا ما كيزرب أولا كيبقى غير يترطى ، كيخدم غير بشوية عليه أو غير بلعقل ، ما مشوق فلفلوس ، لفلوس إيلا بغات تجي راه غاتجي ، هكدا كيقول ديما ..
هاد لخدمة ديالي غا تخليني نمشي لقهاوي أو لي بواط بزاف باش نتلاقا مع الناس ، خصني غير نعرف شكون لي فلبوليس أو شكون لي لا ، شكون نخاف منو أو شكون لي ممكن يكون كليان أو خصني نرض بالي مزيان للعطاية ..
.. يتبع
السيمانة بزربة دازت الله يحفظ ، معرفتها كيفاش طارت ، مكرهت كون زادت طوالت شوية ، مكرهت كون ما سالات فمرة .. بلحق هاد شي كامل كيبقى غير أحلام و أماني صافي ، سيمانة دابا سالات و لي عطا الله عطاه ، هاني راكبة فتران أو قاصدة مراكش لحمرة .. حياتي كاملة أو أنا غادية ماجية من مراكش ، بلحق هاد المرة جاب ليا الله بحال إيلا غادية ليه أول مرة ، جاتني طريق بحال إيلا تبدلات ، كلشي تغير فعيني ..
كون ما سمحات فيا ديك خيتي فمكناس ، ما غنتلاقا بهاد خونا أو ما كان غيعاوني و يرجعني لسلا .. هد القضية هي لي خلاتو زعم عليا ، هد القضية هي لي خلاتو يقتارح عليا نخدم معاه .. كون ما مشيت مع ديك خيتي لمكناس كون راه شحال من حاجة تبدلات فحياتي .. من بعد ما طرا ليا داكشي فمكناس ، كنت قررت نقلل من صحاباتي و فكرت فجواج أو هد القرار جر عليا غير لمصايب ، ديت من الزواج غير السمية أو لواليدة ديالي ماتت بلفقايس .. كون ما مشيت لمكناس كون .. هد الذكريات أو الأفكار كاملة ما عندها دابا باش تنفع ، أنا غادا دابا للخطار برجليا .. شنو ممكن نخسر كثر فهاد الدنيا ؟
كيفما دازت السيمانة بزربة حتى الطريق دازت بالزربة ، موالفة نتمحن فتران بين سلا أو مراكش ، دابا كعما حسيت بطريق فمرة .. غير نزلت فلمحطة لقيت خونا كيتسناني فلمحطة ، واخا هضر معايا فتيليفون كثر من مرة أو أنا فطريق ، كان خايف ما نجيش ، كان خايف نكون غير كنساوي معاه أولا كنكدب عليه ، بلحق أنا عطيتو كلمة ، أنا إيلا عطيت الكلمة واخا ماعرفت أش يطرا راه ندير بيها ..
مشينا نيشان للوطيل ، قال ليا ما بغيتك تفكري فوالو ، خوي بالك دابا من كلشي ، غير رتاحي .. معرفتش أنا كيفاش غنقدر نرتاح ، منين غا تجيني هاد الراحة أو أنا ما بقيت كنعس بقوة التفكير .. قال ليا بلي السلعة لي عندو دابا غير شي حاجة قليلة أو بايعة راسها براسها مع شي كليان موالف يبيع ليهم ، يعني ما محتاجة نجيب بزاف ديال لكليان جداد دابا ، يعني ممكن نخدم على راحتي أو غير بشوية عليا .. السلعة كتدخل من برة أو لقضية مزيرة هاد ليام .. باش عجبني هاد خونا ما كيزرب أولا كيبقى غير يترطى ، كيخدم غير بشوية عليه أو غير بلعقل ، ما مشوق فلفلوس ، لفلوس إيلا بغات تجي راه غاتجي ، هكدا كيقول ديما ..
هاد لخدمة ديالي غا تخليني نمشي لقهاوي أو لي بواط بزاف باش نتلاقا مع الناس ، خصني غير نعرف شكون لي فلبوليس أو شكون لي لا ، شكون نخاف منو أو شكون لي ممكن يكون كليان أو خصني نرض بالي مزيان للعطاية ..
.. يتبع
