خْدِيتْ نْجِيمَاتْ
نْشْكْلْ بها اللِّيلْ
طْلعُو منْها لْوِينَاتْ
قُلْتْ عْلاشْ ما نْزِيد
لْسْمْر السَّلهَام
عْوِيناتْ
تْضَّوِيلُه
وْرَا ذَاك الكُدْيَاتْ
يْشوفْ النَّاس لِّ
من
القْهرَة بْكَات
قَالّْكْ
زِينْ اللِّيلْ فْلوُنُه
لاَخَايْبَة كْحْلاَتْ
لاَ عْقوُلْ
بْالْهْمْ تّْدْهَاتْ
شْحاَلْ مْن ذْلْ تْكُبْ
فْشْحَال مْنْ نْفْسْ
حتَّى ذَابْتْ
شْحَال مْن قْمْرَة
مْن ذَاك الحْكْرَة
بْكَاتْ حْتَّى عمَاتْ
نْدْمْتْ حتَّى شْكلْتْ الوِيلْ
تْخلْطُوا عْلِيَّ لّْوَانْ
رْسْمُونِي
هْربْتْ مْن جْلَّابْتْ الغْمّْ
لْتلبْسْنِي
جْريتْ حتَّى
لْقيتْني مْجْلِيَة
وْرَا ذِيكْ الكُديَة
لِّي بْغيتْ نْضَوِّي عْلِيها
بْعيُونْ اللِّيل
وْ ما لْقِيتْ لِّ
يْضَوِّي عْلِيَ
أنا
