صليحة الحلقة 17
فباب لوطيل لقيت جوج ديال لبوليس واقفين كيتسناو ..
صافي هنا سالات الحفلة ، هنا غا يطفى الضو أو تطلع لكتابة بلمقلوب ، هنا غا يديرو ليا نيميرو خمسة أو يديوني لعواكش .. دوك لبوليس واقفين فباب لوطيل أو مخنزرين ، لوجه ديالهم يقطع النعمة من الدار ، كل واحد فيهم كتفو يعشي دوار ، بحال إيلا غا يشدو تنظيم إرهابي .. أنا غير مسكينة باقي يالله قلت بسم الله ، باقي يالله ضربت أول أفير ، باقي حتى ما درت فطاجين ما يتحرق .. واخا شفتهم فلباب ما قدرت نهرب ، ما قدرت نرجع لور ، بقيت غادة مكملة بخطوات تقال جيهت لباب ، رجلي تقالت عليا ، قلبي تهز من بلاصتو .. أنا ما عندي والو أو ناكر ما يدخل حبس ، لمهم ما نبيع بداك خونا لي خدامة معاه أو هو ما يبيع بيا ، هاد شي علاش متافقين ..
صافي وصلت لحدا دوك لبوليس ، معمرين عليا طريق ما مخليني منين ندوز .. قربت حداهم كثر أو هوما يخليوني ندوز ، خلاوني ندخل لوطيل ، ما سولوني ما هضرو معايا ما والو ، ما جايين على ودي كاع ، جايين على شي حاجة خرى .. دخلت لوطيل لقيت خونا لي خدامة معاه كيتسناني فريسبسيون ، قال ليا طلعي جمعي حوايجك غا نتحركو من هنا ، لقنت ولا محظي أو لعين كثرات عليه .. قال ليا راه كرا شي دار كاينة فلمدينة غا نمشيو ليها ، نساي عيشة لوطيل واحد الشهر أولا شهرين .. أنا ما عنديش مشكل فين ما كان نتخشى ، فين ما كان نعيش ، ولفت هادي مني كنت كنجول بزاف ..
من بعد ديك لافير لي قضيت لقضية تحنسرات بزاف ، حتى شي أفير خرى ما بغات تقضى ليا ، كثر من شهر او انا غير كنضور فمراكش بحال شي حمقة ، ما كاينش شي قنت ما مشيت ليه ، جربت الطرق كاملين باش نقنع النانس أو والو .. خونا لي خدامة معاه واخا هكداك ما قال ليا والو ، أو مخليني نخدم على راحتي واخا كيخسر عليا شحال ديال لفلوس ، بلحق هو عارف بلي لخدمة كتكون صعيبة فلول ، أو هو شايفني دايرة جهدي كامل أو كثر ، ما يغى يهضر غير هكداك أو صافي ، ما بغى يهضر غير باش يتسمى كيهضر أو صافي .. خونا لي خدامة معاه باع كاع السلعة لي كانت عندو ، أو ولا غير كالس كيتسنى السلعة تدخل من برا ، لقضية تحنسرات عندو ، أنا وليت غير كالسة فدار ، ما كاين لاش نخرج نقلب على لكليان أو نضيع لفلوس على لخاوي .. ما عرفتش واش أنا دخلت عليه بالنحس أولا لقضية ديما دايرة هكدا ، وليت باغا ندير شي حاجة باش نعاونو أو معرفتش شنو نقد ندير ..
قال ليا بلي خصنا نبدلو لخدمة ديالنا شوية ، ما يمكنش نكملو بحال هكدا ، راه شويا غا نخسرو كاع لفلوس لس عندنا أو واخا تدخل السلعة ما غانلقاو باش نشريوها .. قال ليا بلي فكر فواحد الفكرة حتى هي ما صعيبة بزاف ، غا نمشي أنا للقهوة كيف موالفة أو نشوف شي كليان مزيان ، يكون فجيبو لفلوس أو شي تيليفون مزيان ، إيلا كان عندو بيسي غا يكون حسن .. نكلس مع لكليا أو مني نغفلو ندير ليه واحد لكينة كدوه فداك شي لي كيشرب ، غير يبدى يدوخ كيدخل خونا لي خدامة معاه على أساس راه كيعرف داك لكليان أو كيدي ليه كاع داكشي لي عندو أو كنزيدو بحالنا .. خونا لي خدامة معاه قال ليا هاد لفكرة أو بقا كيشوف فيا أش غنقول ...
.. يتبع
صافي هنا سالات الحفلة ، هنا غا يطفى الضو أو تطلع لكتابة بلمقلوب ، هنا غا يديرو ليا نيميرو خمسة أو يديوني لعواكش .. دوك لبوليس واقفين فباب لوطيل أو مخنزرين ، لوجه ديالهم يقطع النعمة من الدار ، كل واحد فيهم كتفو يعشي دوار ، بحال إيلا غا يشدو تنظيم إرهابي .. أنا غير مسكينة باقي يالله قلت بسم الله ، باقي يالله ضربت أول أفير ، باقي حتى ما درت فطاجين ما يتحرق .. واخا شفتهم فلباب ما قدرت نهرب ، ما قدرت نرجع لور ، بقيت غادة مكملة بخطوات تقال جيهت لباب ، رجلي تقالت عليا ، قلبي تهز من بلاصتو .. أنا ما عندي والو أو ناكر ما يدخل حبس ، لمهم ما نبيع بداك خونا لي خدامة معاه أو هو ما يبيع بيا ، هاد شي علاش متافقين ..
صافي وصلت لحدا دوك لبوليس ، معمرين عليا طريق ما مخليني منين ندوز .. قربت حداهم كثر أو هوما يخليوني ندوز ، خلاوني ندخل لوطيل ، ما سولوني ما هضرو معايا ما والو ، ما جايين على ودي كاع ، جايين على شي حاجة خرى .. دخلت لوطيل لقيت خونا لي خدامة معاه كيتسناني فريسبسيون ، قال ليا طلعي جمعي حوايجك غا نتحركو من هنا ، لقنت ولا محظي أو لعين كثرات عليه .. قال ليا راه كرا شي دار كاينة فلمدينة غا نمشيو ليها ، نساي عيشة لوطيل واحد الشهر أولا شهرين .. أنا ما عنديش مشكل فين ما كان نتخشى ، فين ما كان نعيش ، ولفت هادي مني كنت كنجول بزاف ..
من بعد ديك لافير لي قضيت لقضية تحنسرات بزاف ، حتى شي أفير خرى ما بغات تقضى ليا ، كثر من شهر او انا غير كنضور فمراكش بحال شي حمقة ، ما كاينش شي قنت ما مشيت ليه ، جربت الطرق كاملين باش نقنع النانس أو والو .. خونا لي خدامة معاه واخا هكداك ما قال ليا والو ، أو مخليني نخدم على راحتي واخا كيخسر عليا شحال ديال لفلوس ، بلحق هو عارف بلي لخدمة كتكون صعيبة فلول ، أو هو شايفني دايرة جهدي كامل أو كثر ، ما يغى يهضر غير هكداك أو صافي ، ما بغى يهضر غير باش يتسمى كيهضر أو صافي .. خونا لي خدامة معاه باع كاع السلعة لي كانت عندو ، أو ولا غير كالس كيتسنى السلعة تدخل من برا ، لقضية تحنسرات عندو ، أنا وليت غير كالسة فدار ، ما كاين لاش نخرج نقلب على لكليان أو نضيع لفلوس على لخاوي .. ما عرفتش واش أنا دخلت عليه بالنحس أولا لقضية ديما دايرة هكدا ، وليت باغا ندير شي حاجة باش نعاونو أو معرفتش شنو نقد ندير ..
قال ليا بلي خصنا نبدلو لخدمة ديالنا شوية ، ما يمكنش نكملو بحال هكدا ، راه شويا غا نخسرو كاع لفلوس لس عندنا أو واخا تدخل السلعة ما غانلقاو باش نشريوها .. قال ليا بلي فكر فواحد الفكرة حتى هي ما صعيبة بزاف ، غا نمشي أنا للقهوة كيف موالفة أو نشوف شي كليان مزيان ، يكون فجيبو لفلوس أو شي تيليفون مزيان ، إيلا كان عندو بيسي غا يكون حسن .. نكلس مع لكليا أو مني نغفلو ندير ليه واحد لكينة كدوه فداك شي لي كيشرب ، غير يبدى يدوخ كيدخل خونا لي خدامة معاه على أساس راه كيعرف داك لكليان أو كيدي ليه كاع داكشي لي عندو أو كنزيدو بحالنا .. خونا لي خدامة معاه قال ليا هاد لفكرة أو بقا كيشوف فيا أش غنقول ...
.. يتبع
فيسبوك الكاتب، اضغط هنا : العربي البحتوري
