صليحة : الحلقة 12
لواليد ولا عيان بزاف ، عايش ليام كيتسنى لموت ، كلنا كنتسناو معاه واخا ما عرفين شكون سابق ليها .. أنا وليت كل ستة شهر كنبدل النمرة ، كل مرة كنبدل لبلاصة لي عايشة فيها ، كندور ندور أو نرجع لدارنا نطل عليها شوية أو نطل على الواليد كيف داير ...لحياة غادية أو كتصعاب ، ماديا أو معنويا ، لحركة ما ضايرة بزاف أو لمعنويات محطمين ، لمورال زيرو ..
تلقيت هادي يومين بداك الدري لي رجعني من مكناس ، ملي سمحات فيا ديك لبنت ، صافي ما بقيتش نقدر نقول عليها صاحبتي .. مكرهتش مني تلاقيتو نعطيه ديك خمسين ألف لي خلا ليا فساك بلحق لقضية عندي عيانة مكرهتش أنا من يعطيني خمسين ألف دابا غير نتصور معاها .. تلاقيت أنا وياه فكازا فلمحطة ديال التران نيت بلحق هاد لمرة أنا راجعة بحالاتي لسلا أو هو كيتسنى شي حد غي يجي عندو لتما ، زهر كيلاقينا غير فلمحطة ديال التران.. طلبت منو يعطيني نمرة ديال لاكارط ناسيونال ديالو أولا شي عنوان باش غير يتجمعو عندي لفلوس أو نصيفطهم ليه ، بقى كيموت عليا بضحك ، هو قال ليا إيلا محتاجة لفلوس نعطيك ، أو مد يديه لواحد شكيكيرة كتهز فجنب أو بغا يجبد ليا شي حاجة دلفلوس ، غير حلها بانو ليا غير زرقات كيتشايرو لداخل .. أنا يمكن نكون محتاجة دابا لفلوس أو كثر من أي وقت دازت بلحق ما قدرتش نشد من عندو شي حاجة ، باراكا غير داكشي لي عطاني من قبل أو باقي لدابا ما قدرت نرجعهم ليه هادا سبب لول ، غاد من لفوق أنا عندي هاد ساعة شي حصيصة دلفلوس جامعها غدوز ليا واحد لمدة بيدما لقيت شي خدمة ثاني ، يعني ما محتاجة دابا ..
لواليد ولا عيان بزاف ، عايش ليام كيتسنى لموت ، كلنا كنتسناو معاه واخا ما عرفين شكون سابق ليها .. أنا وليت كل ستة شهر كنبدل النمرة ، كل مرة كنبدل لبلاصة لي عايشة فيها ، كندور ندور أو نرجع لدارنا نطل عليها شوية أو نطل على الواليد كيف داير ...لحياة غادية أو كتصعاب ، ماديا أو معنويا ، لحركة ما ضايرة بزاف أو لمعنويات محطمين ، لمورال زيرو ..
تلقيت هادي يومين بداك الدري لي رجعني من مكناس ، ملي سمحات فيا ديك لبنت ، صافي ما بقيتش نقدر نقول عليها صاحبتي .. مكرهتش مني تلاقيتو نعطيه ديك خمسين ألف لي خلا ليا فساك بلحق لقضية عندي عيانة مكرهتش أنا من يعطيني خمسين ألف دابا غير نتصور معاها .. تلاقيت أنا وياه فكازا فلمحطة ديال التران نيت بلحق هاد لمرة أنا راجعة بحالاتي لسلا أو هو كيتسنى شي حد غي يجي عندو لتما ، زهر كيلاقينا غير فلمحطة ديال التران.. طلبت منو يعطيني نمرة ديال لاكارط ناسيونال ديالو أولا شي عنوان باش غير يتجمعو عندي لفلوس أو نصيفطهم ليه ، بقى كيموت عليا بضحك ، هو قال ليا إيلا محتاجة لفلوس نعطيك ، أو مد يديه لواحد شكيكيرة كتهز فجنب أو بغا يجبد ليا شي حاجة دلفلوس ، غير حلها بانو ليا غير زرقات كيتشايرو لداخل .. أنا يمكن نكون محتاجة دابا لفلوس أو كثر من أي وقت دازت بلحق ما قدرتش نشد من عندو شي حاجة ، باراكا غير داكشي لي عطاني من قبل أو باقي لدابا ما قدرت نرجعهم ليه هادا سبب لول ، غاد من لفوق أنا عندي هاد ساعة شي حصيصة دلفلوس جامعها غدوز ليا واحد لمدة بيدما لقيت شي خدمة ثاني ، يعني ما محتاجة دابا ..
دري جاني نيشان قال ليا إيلا محتاجة شي خدمة مرحبا بيك ، أجي عونيني راه ميخصك حتى خير ، صرف الصحيح غتضربيه معايا ، بلحق حنى كنخدمو فلخطار ، نتي عارفاني مزيان أنا رزقي كنجبدو غير من الناس لي مبلين بالغبرة ، كنخدم غير مع الناس لي لاباس عليهم ، لي عندهم الصرف الصحيح ، ما كنبيع لا قرقوبي لا حشيش لا يديك لا يخليك ، أنا ما كنبغي نهلك ولاد الشعب ، الفوقارى لي ما فحالهم ، باراكا غير داكشي لي فيهم يكفيهم ، مازال هاد ولاد لمرفحين سرهم هاداك ، ربي عاطيهم لفلوس أو ما عارفين أش يديرو بيها ...
صدمني ملي قال ليا هاد الهضرة ، معرفتش باش نجاوبو ، معرفت أش نقول ليه .. هو زاد أكد عليا قال ليا بلي لبنات لي كانو خدامين معاه أو كيعاونوه مشاو بحالهم ، سهل عليهم الله أو خرجوا على برا ، دابا هو بقى غير بوحدو أو خصو لي يعاونو ، لخدمة كاينة كثيرة أو خص لعوين ، أو لبنات كينفعو بزاف فهد الشي .. لمهمة ديال البنت كتكون بالدرجة لولة هي تجيب كليان جديد ، يعني ما كتقيص حتى حاجة بيديها .. قال ليا بلي ما يخاف عليا أنا بعدا فهد الشي .. كيفما خلاها هو أنا قافزة أو حافظة سواري ، ماشي شي وحدة دمدومة أو دار بيها بساهل
دري عطاني يوماين باش نفكر ، خدا من عندي نمرة بلا ما يعطيني نمرتو هو ، أو قال ليا بلي من هنا ليوماين غا يتاصل بيا باش يعرف لجواب ديالي شنو هو ..
.. يتبع
فيسبوك الكاتب: العربي البحتوري
