بقيت كنقول مع راسي ، شكون لي غا تشوف فهد لوقت
لمعطل ؟ علاش ما قالت ليا هد شي من لول ؟ زايدون دابا راه مشى لحال ، شحال غتكلس
معاه كاع دلوقت ؟ علاش ما تخلي هد شي حتى لغدا ؟
.. بقيت كنفكر فهد شي .. هي بحال ايلا دخلات ليا لدماغي ، بحال ايلا كانت كتسمعني ، أولا واقيلا أنا كنت كنهضر بجهد .. قالت لي : هادا خونا لي غا نشوفو راه كنعرفو مزيان أو مدة طويلة دابا باش كنعرفو ، ديما كنقول لمالين دار نمشي نشوف جدة فمكناس أو كنجي نشوفو .. راه ما قدرت نقول ليك هادشي قدام باك قبيلة ، أو بقينا فحاجا مور حاجة ، ها لعشى ، ها شري هادي جيب هادي ، حتى مشا ليا هادشي من لبال ، حتى قربنا نوصلو عاد تفكرت .. أنا عارفة مشى لحال بلحق ما غنكلس معاه بزاف ، غنشوفو غير بزربة أو نمشيو .. ايلا ما قدرت نشوفو ليوم راه ما غنشوفو حتى دوز شي شهرين هي لقليلة ، هو خصو غدا على نبوري يرجع لسطاج ديالو فلبوليس ... بقات كتشرح ، أو بقيت أنا غير ساكتة ، فلول كانت قالت ليا راه غيجي شي حد من عائلتها يوصلنا لدار ( أو هادشي ما كاين لا لواليد ديالي لا والو ) ، يعني هانية وخى نوصلو معطلين ، أو دابا ولينا فجمها أو ستونات .. وصل تران ، غير هبطنا منو أو خرجنا من المحطة .. بان ليا واحد ساط واقف كيتسنا بطوموبيل ، باية غيكون هو ، أصلا ما كاين حتى واحد أخر من غيرو كالس كيتسنى .. ناس لي هبطو معانا فلمحطة بزربة زربو على طاكسيات صغار ، بزربة لمحطة ولات كتصفر .. جمها ما باينة عليه كاع حالة سطاج فلبوليس ، لي كيسطاجي فلبوليس ما غتكون عندو هد الطوموبيلا كاملة ، أو ما كيكون مطراسي لحية أو داير تشاوك.. سلم عليا سلام ناقص ، شاف فيا غير بنص شوفة .. جر صاحبتي أو بعدو عليا أو بداو كيهضرو .. باينة كيتخاصمو ، واخا ما كنسمعهم أش كيقولو ، واقيلا خونا فالله كان كيحساب ليه غيلقاها غير بوحدها .. شحال أو هوما كيهضرو ، تعطلو فهد لمخاصمة .. فلوقت لي كيتخاصمو بديت كنرجع سيتنا ، كيفاش حتى صاحبتي بقات لاصقاني حتى شريت ليها شي تخربيق ديال لمكياج قبل ما نشدو تران ، أو كيفاش طريق كاملة أو هي كتزوق فراسها كيف شي طعريجة ، دابا غاد سرات معايا .. رجعات عندي أو خلات جمها بعيد ، قالت لي هانتي شوفي ، أجي كلسي فهد لقهوة لي فجنب لمحطة ديال التران راها كتبقى حالة ، بيرمانونت ، أنا غنمشي ربع ساعة أو غنجي عندك ، ما تجي فين تشربي لقهوة ديالك حتى تلقايني واقفة عليك .. إيوا عنداك غير تعطلي عليا أو كان ، هادي هي لحاجة لوحيدة باش قدرت نجاوبها ، ما بغيت نجبد ليها لمشاكيل كثر مع جمها .. كلست فلقهوة ، طلبت كافي كريم ، كنت باقي ما كنكمي ديك ساعة ، راه يالله دابا شي عام باش وليت كنكمي .. شي وحدين قلال كالسين فلقهوة بقاو مطرطقين فيا عينيهم ، بلحق حتى واحد ما جا جيهتي .. ما قدرت نجدب تيليفون ، زعما ندير لمزيكا نسمع ليها ، أصلا فين هو لخاطر باش نسمع لشي موسيقى .. أنا بنت بوحديتي فمدينة ما عمرني زرتها ، ما كنعرف فيها حد ، حتى لفلوس ما بقاو عندي ، بقات عندي شي باراكا باش نخلص لقهوة ، الله يحفض ثلثمية درهم بزربة طارت ، ما بقات باركا فلفلوس .. دازت نص ساعة أو ما بغيت نصوني عليها ، كلت خليها شوية مازال ، راه غتجي لراسها بلا ما تحتاج نتاصل بيها .. من لول عرفت راه ربع ساعة ما غتكفيها .. دازت ساعة لاروب ، والو ما جات ، بديت كنخاف ، دنيا عامرة غير بشماكرية ، أو غاد كتاشفت راه كاين شي بواط هنايا فجنب ، مرة مرة كيدوزو شي هاربات ، شي حد محيح بشي طوموبيل ، جوج كيضاربو .. مرة مرة كنلقى شي حاجة نبركك فيها او نتلف بيها لوقت بيدما جات صاحبتي .. دازت ساعة أو ربع ، صافي قررت نصوني عليها لأول مرة ، صونيت ، ما كتجاوب ، عاودت صونيت والو
يتبع ...
.. بقيت كنفكر فهد شي .. هي بحال ايلا دخلات ليا لدماغي ، بحال ايلا كانت كتسمعني ، أولا واقيلا أنا كنت كنهضر بجهد .. قالت لي : هادا خونا لي غا نشوفو راه كنعرفو مزيان أو مدة طويلة دابا باش كنعرفو ، ديما كنقول لمالين دار نمشي نشوف جدة فمكناس أو كنجي نشوفو .. راه ما قدرت نقول ليك هادشي قدام باك قبيلة ، أو بقينا فحاجا مور حاجة ، ها لعشى ، ها شري هادي جيب هادي ، حتى مشا ليا هادشي من لبال ، حتى قربنا نوصلو عاد تفكرت .. أنا عارفة مشى لحال بلحق ما غنكلس معاه بزاف ، غنشوفو غير بزربة أو نمشيو .. ايلا ما قدرت نشوفو ليوم راه ما غنشوفو حتى دوز شي شهرين هي لقليلة ، هو خصو غدا على نبوري يرجع لسطاج ديالو فلبوليس ... بقات كتشرح ، أو بقيت أنا غير ساكتة ، فلول كانت قالت ليا راه غيجي شي حد من عائلتها يوصلنا لدار ( أو هادشي ما كاين لا لواليد ديالي لا والو ) ، يعني هانية وخى نوصلو معطلين ، أو دابا ولينا فجمها أو ستونات .. وصل تران ، غير هبطنا منو أو خرجنا من المحطة .. بان ليا واحد ساط واقف كيتسنا بطوموبيل ، باية غيكون هو ، أصلا ما كاين حتى واحد أخر من غيرو كالس كيتسنى .. ناس لي هبطو معانا فلمحطة بزربة زربو على طاكسيات صغار ، بزربة لمحطة ولات كتصفر .. جمها ما باينة عليه كاع حالة سطاج فلبوليس ، لي كيسطاجي فلبوليس ما غتكون عندو هد الطوموبيلا كاملة ، أو ما كيكون مطراسي لحية أو داير تشاوك.. سلم عليا سلام ناقص ، شاف فيا غير بنص شوفة .. جر صاحبتي أو بعدو عليا أو بداو كيهضرو .. باينة كيتخاصمو ، واخا ما كنسمعهم أش كيقولو ، واقيلا خونا فالله كان كيحساب ليه غيلقاها غير بوحدها .. شحال أو هوما كيهضرو ، تعطلو فهد لمخاصمة .. فلوقت لي كيتخاصمو بديت كنرجع سيتنا ، كيفاش حتى صاحبتي بقات لاصقاني حتى شريت ليها شي تخربيق ديال لمكياج قبل ما نشدو تران ، أو كيفاش طريق كاملة أو هي كتزوق فراسها كيف شي طعريجة ، دابا غاد سرات معايا .. رجعات عندي أو خلات جمها بعيد ، قالت لي هانتي شوفي ، أجي كلسي فهد لقهوة لي فجنب لمحطة ديال التران راها كتبقى حالة ، بيرمانونت ، أنا غنمشي ربع ساعة أو غنجي عندك ، ما تجي فين تشربي لقهوة ديالك حتى تلقايني واقفة عليك .. إيوا عنداك غير تعطلي عليا أو كان ، هادي هي لحاجة لوحيدة باش قدرت نجاوبها ، ما بغيت نجبد ليها لمشاكيل كثر مع جمها .. كلست فلقهوة ، طلبت كافي كريم ، كنت باقي ما كنكمي ديك ساعة ، راه يالله دابا شي عام باش وليت كنكمي .. شي وحدين قلال كالسين فلقهوة بقاو مطرطقين فيا عينيهم ، بلحق حتى واحد ما جا جيهتي .. ما قدرت نجدب تيليفون ، زعما ندير لمزيكا نسمع ليها ، أصلا فين هو لخاطر باش نسمع لشي موسيقى .. أنا بنت بوحديتي فمدينة ما عمرني زرتها ، ما كنعرف فيها حد ، حتى لفلوس ما بقاو عندي ، بقات عندي شي باراكا باش نخلص لقهوة ، الله يحفض ثلثمية درهم بزربة طارت ، ما بقات باركا فلفلوس .. دازت نص ساعة أو ما بغيت نصوني عليها ، كلت خليها شوية مازال ، راه غتجي لراسها بلا ما تحتاج نتاصل بيها .. من لول عرفت راه ربع ساعة ما غتكفيها .. دازت ساعة لاروب ، والو ما جات ، بديت كنخاف ، دنيا عامرة غير بشماكرية ، أو غاد كتاشفت راه كاين شي بواط هنايا فجنب ، مرة مرة كيدوزو شي هاربات ، شي حد محيح بشي طوموبيل ، جوج كيضاربو .. مرة مرة كنلقى شي حاجة نبركك فيها او نتلف بيها لوقت بيدما جات صاحبتي .. دازت ساعة أو ربع ، صافي قررت نصوني عليها لأول مرة ، صونيت ، ما كتجاوب ، عاودت صونيت والو
يتبع ...
