الجزء التاسع
فاقت سارة فالصباح بكري ولبسات حوايجها
لينا : يا لباس ؟ ماشي من عوايدك ! اش مفيقك فهاد الوقت؟
سارة : اه ، نسيت ماقتليك عندي اونطخوتيان ، عيطاتلي واحد الشركة ، دعي معايا
لينا : الله يسهل عليك ، أحبيبة
فطرو و كل وحدة مشات لشغالها
كان أمين غادي لخدمتو كيفما العادة و يلاه غايركب فطموبيلتو و لقا جيهان واقفة كاتسناه
أمين فنفسو : صبحنا على الله
جيهان : صباح الخير
طلعو للطوموبيل
أمين : ياك الف مرة كنقولك ماتبقايش تجي عندي للدار تانعيطليك
جيهان : جيت باش نقوليك راني حاملة
أمين وقف الطونوبيل وبغضب : شنو كتخربقي عليا؟ واش من نيتك؟ كيفاش حاملة؟ ياك قتليك ديري الاحتياط
جيهان : شفتك سعرتي عليا! ياك لباس؟ نهار حملات مرتك كنتي غطير بالفرحة ، وانا كتبرد فيا غدايدك ، شنو بغيتي نبقى عمري كولو مجرجرة معاك؟
أمين كان كاعي وشد جيهان من يديها بقوة : ماشي انا اللي تلولي دراعي اجيهان فهمتي؟
جيهان كتعرف مزيان أمين مني كيتعصب كيف كيولي وبدات كتبردو : امين حبيبة ديالي لاش كتعصب راسك دبا! والله مادرتها بلعاني ، ولكن كان يحسابلي هاد الخبار غيفرحك
أمين : باش غيفرحني باش؟ نتي عارفة عائلتي ماحاملينكش وأنا كنبرد الجو باش نفاتحهوم فالموضوع ونتي خسرتيليا البلان كامل وزايداهالي بالكرش
جيهان : هاد الكرش راني مادرتهاش بوحدي فهمتي
شاف فيها شوفة حادة : سمعي مزيان اجيهان ، غاتمشي طيحي عليا هاد الزبل ولا ماغايعجبك حال
جيهان : كل حاجة بتمنها
أمين : الله ينعلها قاعدة ، ماكتبدليش
جيهان بابتسامة : منك تعلمت احبيبي
أمين : دبا فكيني شنو باغية
جيهان : يغيتك تكتبلي الدار فسميتي
أمين : دبا شنو كتخربقي
جيهان : كيفاش شنو كنخربق ؟ مانضمنش حقي؟ شكون قالي ماغاترمينيش كيف رميتي مراتك ؟
أمين : هي مكاتيقيش فيا؟!
جيهان : تاهيا كانت كاتيق فيك! اش قضات؟
أمين : اف اف ، من نهار عرفتك ونتي فاضحاني على ديك الدار
جيهان : ايوة سدلي فمي
أمين : خليني نفكر
جيهان فرحات حيت عرفات البلان ديالها غايصدق ، هادشي اللي كان مصبرها على أمين ، انها اي حاجة بغاتها كيحققها ليها ، هي اللي عاشت فوسط فقير وكان هو الامل الوحيد ديالها منين كانت مراهقة و هي كاتعرفو و كاتستاغل فيه
هي عمرها بغاتو ، كانت كتبغي فلوسو ، اما امين كان كيبغيها بصاح و لكن عائلتو اللي وقفو فطريقو حيت شافوها ماصلحاش ليه
يتبع
...
 ~ فاطمة الزهراء خولالي~){kind=link}