دازت الايام وبدات سارة كاتحس باللي امين بدا كيهتم بيها بحال من قبل ،، وتقبلات الفكرة ديال انها تولي ام خصوصا ان هادشي قرب منها امين
واحد الصباح كانت كدور فليبوتيك اللي كيبيعو حوايج الدراري الصغار وخا كان باقي الحال على هادشي ولكن بغات تشوف شنو كاين فالسوق و منها تهرس الملل ، بقات كدور من محل لمحل فالاخير خرجات لقات راسها قريبة من الشركة فين خدام راجلها و بغات ديرليه مفاجأة و تمشي تصبح عليه
مالقاتش الكاتبة فالمكتب ديالها باش تسولها و نيت جاتها على قلبها حيت ماعمرها ماكان عندها معاها
قربات من المكتب ديالو و سمعاتو كيتكلم بجهد وسمعات صوت وحدة معاه قالت عير شي كليونط يمكن و قربات من الباب كتر باش تسمع
أمين : واش تصطيتي جايا تابعاني تالخدمة
جيهان : ايوة شفتك غبرتي عليا و مابقيتيش تسول فيا ولا صافي دبا المدام غاتجيبليك ولدك اللي كنتي شحال وانت كتحلم بيه ، مابقا كيهمك تاحد اخور
أمين : شوف اجيهان ماتبقايش تخربقي عليا راكي عارفاني غير مشغول
سارة تصدمات وخانوها دموعها ، كانت حاسة باللي شي وحدة هي اللي بدلات امين و كانت كتكذب راسها تمالكات اعصابها باش تسمع الكمالة ديال الحديث ديالهوم
جيهان : شوف أ أمين هاد الهضرة قولها لمراتك ماشي ليا انا ماغاديش دوخني بجوج هضرات راني كنعرفك مزيااان كتر من اي واحد ، ياك كنتي مواعدني بالزواج شنو اللي قلبك عاود
أمين : وصافي غير صبري عليا اجيهان ، راك عارفاني دبا مشغول مع سارة و البيبي اللي جاي فالطريق
جيهان : انا ديك البيبي ماعرفتوش منين خرج ليا ، بغات بنت الحرام تشدك بالولاد ولكن والله لاكانت ليها ماشي خمس سنين وانت مجرجرني ودبا تجي هي تديها باردة
أمين : وصاف أحبيبة كولشي غايتصلح ، راك عارفاني كنبغيك انت و خليني نقاد اموري بعدا
جيهان : ودوخني بجوج هضرات
هنا سارة ماقدراتش تصبر مازال ، اكيد هذا كابوس ، مايمكنش هادشي اللي سمعات ايكون بصاح ، كيفاش ، وعلاش ، دارو فراسها بزاف دالاسئلة وحسات بالنزيف و طاحت فالارض
جيهان وأمين سمعو الغوات و خرجو من البيرو لقاو سارة طايحة فاقدة الوعي
أمين : اويلي شهاد الموصيبة ، صافي هادشي اللي بغيتي .
جيهان ماجوباتوش
أمين بغضب : أسماء ، أسماء
أسماء الكاتبة الخاصة ديالو جات كتجري : نعام اسي أمين
أمين بالغوات : ياك قتليك تاحد مايجي عندي و اللي سول فيا قوليه انا فاجتماع
أسماء بقات كتفتف : و الله اسي امين ايلا غير كنت
أمين قاطعها : سيري عيطي لومبيلونس و موراها جمعي حوايجك مانوليش نشوف كمارتك فهاد الشركة
أسماء بدات كتبكي و بغات دافع على راسها و غمزاتليها جيهان باش تغبر هاد الساعة حيت هوما صحابات و توسطاتليها عند أمين باش تخدم عندو و منها تجيب خبارو
طاقم مدونة الأدب
واحد الصباح كانت كدور فليبوتيك اللي كيبيعو حوايج الدراري الصغار وخا كان باقي الحال على هادشي ولكن بغات تشوف شنو كاين فالسوق و منها تهرس الملل ، بقات كدور من محل لمحل فالاخير خرجات لقات راسها قريبة من الشركة فين خدام راجلها و بغات ديرليه مفاجأة و تمشي تصبح عليه
مالقاتش الكاتبة فالمكتب ديالها باش تسولها و نيت جاتها على قلبها حيت ماعمرها ماكان عندها معاها
قربات من المكتب ديالو و سمعاتو كيتكلم بجهد وسمعات صوت وحدة معاه قالت عير شي كليونط يمكن و قربات من الباب كتر باش تسمع
أمين : واش تصطيتي جايا تابعاني تالخدمة
جيهان : ايوة شفتك غبرتي عليا و مابقيتيش تسول فيا ولا صافي دبا المدام غاتجيبليك ولدك اللي كنتي شحال وانت كتحلم بيه ، مابقا كيهمك تاحد اخور
أمين : شوف اجيهان ماتبقايش تخربقي عليا راكي عارفاني غير مشغول
سارة تصدمات وخانوها دموعها ، كانت حاسة باللي شي وحدة هي اللي بدلات امين و كانت كتكذب راسها تمالكات اعصابها باش تسمع الكمالة ديال الحديث ديالهوم
جيهان : شوف أ أمين هاد الهضرة قولها لمراتك ماشي ليا انا ماغاديش دوخني بجوج هضرات راني كنعرفك مزيااان كتر من اي واحد ، ياك كنتي مواعدني بالزواج شنو اللي قلبك عاود
أمين : وصافي غير صبري عليا اجيهان ، راك عارفاني دبا مشغول مع سارة و البيبي اللي جاي فالطريق
جيهان : انا ديك البيبي ماعرفتوش منين خرج ليا ، بغات بنت الحرام تشدك بالولاد ولكن والله لاكانت ليها ماشي خمس سنين وانت مجرجرني ودبا تجي هي تديها باردة
أمين : وصاف أحبيبة كولشي غايتصلح ، راك عارفاني كنبغيك انت و خليني نقاد اموري بعدا
جيهان : ودوخني بجوج هضرات
هنا سارة ماقدراتش تصبر مازال ، اكيد هذا كابوس ، مايمكنش هادشي اللي سمعات ايكون بصاح ، كيفاش ، وعلاش ، دارو فراسها بزاف دالاسئلة وحسات بالنزيف و طاحت فالارض
جيهان وأمين سمعو الغوات و خرجو من البيرو لقاو سارة طايحة فاقدة الوعي
أمين : اويلي شهاد الموصيبة ، صافي هادشي اللي بغيتي .
جيهان ماجوباتوش
أمين بغضب : أسماء ، أسماء
أسماء الكاتبة الخاصة ديالو جات كتجري : نعام اسي أمين
أمين بالغوات : ياك قتليك تاحد مايجي عندي و اللي سول فيا قوليه انا فاجتماع
أسماء بقات كتفتف : و الله اسي امين ايلا غير كنت
أمين قاطعها : سيري عيطي لومبيلونس و موراها جمعي حوايجك مانوليش نشوف كمارتك فهاد الشركة
أسماء بدات كتبكي و بغات دافع على راسها و غمزاتليها جيهان باش تغبر هاد الساعة حيت هوما صحابات و توسطاتليها عند أمين باش تخدم عندو و منها تجيب خبارو
يتبع...
طاقم مدونة الأدب
