هذا المقال للكبار فقط......والدراري الصغار بلا متجسسو علينا.....ولي كيحشم بلا ميقرى المقال...ولي معندوش علاش يحشم وجبهتو قصحا يهرس بيها البيض ...ولا يضرب بيها خوخو الحلاق الفنان ديالنا.....أي تشابه بين هذا المقال وبين الواقع إنما هو نسج الخيال دمتم سالمين.....هذه المذكرة يرجع تاريخها لسنة 2010 ....بعنوان : واش هذاك وجهك ولى قفاك.... ؟؟؟!!! ليوم غادي نهضر ليكم على الخطافة بشكل عام وعلى بوزبال لكيقرى فاليسي ديال الخليج بشكل خاص.....رشيد ولد الحومة الملقب براس البطبوطة ....فعمرو 19 مدوبل فالتاسعة 3 المرات باه خدام فالمرصة .ميخالي ...أي إلى لقى الغفلة كيكوكط...كيشفر الحوت وكيبيعو بالجملة...كاري ب16 ألف فمدينة تدارت ..مراتو سميتها زينب ييه مامات رشيد ..خداما فسوق السمك..كتقلي الحوت كتربح فالنهار قرابة 50 درهم ...نرجعو لرشيد ونتعرفو عليه كتر وعلى أحلامو وأفكارو ونقربو من شخصيتو...رشيد عزيز عليه إلبس حنيقزة الحداء المرساوي العجيب بتقاشر بضين ومضوبلين باللباط ديال باه ملي كان كيلعب فالرابطة مزال ....وهنا كنشوفو مبدأ الحفاض على الثرات....رشيد كيدير الجيل كولا صباح.....وضروري يخلطها مع الصابون..رشيد كيمشي عند خوخو الحلاق كولا يومين خاصو يمشي يرازي الجناب باش بوتينة تبقى تبغيه وتبقى متعلقى بيه....كيفاش كيبدا نهار ديال رشيد .رشيد داير علوم إنسانية ..وكيدير السوايع فالرياضيات عند أوجعا غير باش إتلقى مع بوتينة......رشيد كتفيقو ماماه مع 7:45 كيغسل رجليه كيفطر كيخرج وكيتسنا رشيد الخطاف أول واحد معترف بيه عالميا كيستعمل غاز البوتان فالطموبيل ديالو كيشعل الدودية وسعد المجرد ..وهنا وفهدا اللحظة فاش تيركب رشيد مع رشيد عاد كيبقى يفكر فالمستقبل وفبوتينى ...بوتينى فاش كتبغي تصور ف فيس بوك ديما كتجمع فومها وكتبوس الكاميرا باش تبان سيكسي....رشيد الخطاف حتى هو كيحسن عند خوخو ...خوخو كندير ليك الإشهار كنتساليك حسانة فابور....رشيد عندو الفلوس الدار لحديدة مخاصو والو واخا كيتعداو عليهوم البوليس لكن خدامين.....رشيد حيث بوكوص كيركبو عند غير الناس الزونين والنقيين ماشي بحال سوديرا كيهز معاه الإنسان والحيوان مكيخلي تواحد..مرة أوخرى تحية لخوخو لحلاق .....دراري ديال أنزا وتدارت حسنو عندو ...راه داير معاه بورسونتاج 1 درهم فالراس....نرجعو لبوتينة لي كدير السوايع عند أوجعة وكتجيب معاها قشلى ديال بنادم بحال إلى كاينا لهدية ورشيد معزيزاش عليه الجوقة كان كيبغيها ولكن ملي كتجيب معاها جوقتها ليسبري ديال يوسف بن تشفين .....ناس لي كيفكرو بعيد وكيمشيو بعيد وكيرجعو على رجليهوم.......خبيرتي مزال مسالات ومغاديش نسالي يالاه تحيات الرجل الوطواط بشراكة مع بوزبال بقلم سفيان مزيان من سلسلة أسرار الحلزون ترجمة سفيان مزيان هههه....أنا الأسد ستقعين في شراكي ياه أه أه أه
طاقم مدونة الأدب
طاقم مدونة الأدب
