(أنخليو سمييات و غادي نبادلو غير البلايص).
أنا سميتي "المهدي" من شمال أوروبا تحديدا المغرب, أنا طالب هندسة و فاليل خدام فواحد سوبر مارشي و ساكن مع "خديجة" الزميلة ديالي فالسكن مفاهمين واخا ما تانحملش الصاط ديالها "عبد الحق" خيطي بيطي فدار... أنا ماعنديش مشكل إجي عندها ولكن المشكل هو تيجي غير فاش تانكون أنا تانتفرج أو فأيام البرد وا نووووود "المهدي" حل الباب, و على ذكر البرد حنا عندنا الشتاء بارد بزاف و الثلج و الحرارة -10 المهم حنا مولفين و هاد المناخ متعودين عليه من الصغر ديالنا.
واحد النهار كنت تانتسارا فالفايسبوك و أنا لقى "أنفيطاسيون" ديال واحد البنت سميتها "كارولين" من السويد عينيها خدريييييين و بيضااااا فين تبان على الزميلة ديالي "خدوج" و الحاجة الوحيدة لي تنعرف على السويد هي أنها فأفريقيا و أول ما طاح فبالي هو أنه عايشين مع الأسود التماسيح و تيلبسو غير شرويطة بحال "طارزان" المهم سولت الزميلة ديالي "خديكة" و هي تقولي غير "أكسيبطيها" جرب جرب و بيعاتني العجل طبعا و كليكيت على "كونفيرمي".
جاتني "نوتيفيكاسيون" تاتقول بلي "كارولين" كتبات لي فالمير ديالي.
دخلت شفت لقيتها كاتبا لي "ميرسي بوغ لاكسيبت" من بعدها مباشرة طلعلي ميصاج فيه "slt" ما فهمتهاش و أنا تسولها واش عندك شي سبع فالدار و هي تقولي... لا علاش ؟ و أنا نجاوبها... وا سويد فأفريقيا و بلا شك تاتخورجو تصيدو باش تاكلو و هي تقولي.... لا الهبيل السويد راه دولة بعيييييدة على البراري الأفريقية و بأن السويد راه قريبة لإسبانيا و وراتني شي تصاور ديال "الكسكس" و "الطاجين" عجبووووني.
المهم مع الوقت ولينا تنتكلمو بزااااف و قالتي بلي هي خدامة "كوافورا" و وراتني ماماها فالكام... وخا عينيها خدرين ولكن شعرها "زعر" و أنا متأكد بلي "ديكاباج" أأأأأأو فين عمرني شافت شي سويديا "زعرة" .
المهم داز الوقت و وليت تانبغيها و تاتبغيني و مشيت نشوفها فالسويد كيفما وعدتها ولكن كانت الصدمة بأنه هداكشي لي وراتني على السويد فالتصاور يامات "الشات" غير زوين ما وراتنيش الخايب و أنا نقول أنا تزوجت بها انعيشو فالمغرب طبعا, المهم تلقات لي فالمطار هي و مامامها و واحد مول "تريبورتور" ركابنا لور مع ما مولفوش جاتني دوخة و وصلت مريض تخلعو علييا و شربوني واحد اللعبة ما عرافتش اش هي المهم وليت صحيح و خرجوني تساريت وشف الجامع الكبير و علموني سويدية و ولاو صحاباتها تايقشبو علييا و تيديرولي "الحناء" و أنا بحال "دمدومة" ما فاهم وااااااالو, سالا "الفاكونض" ديالي ودعتهوم بالبكاء و قلت ليها تسناني واش من هنا ل6 شهور نجي باش نتزوجو .
رجعت للمغرب سلمت "على "خديجة" و "عبد الحق" و عاودت ليهم على السويد وعجباتهم, المهم خديت "دوش" و بدلت حوايجي و أنا نحل الفيسبوك لقيت صحابات "كارولين" مصيفطين لي "ضومونض" ما قدرتش نبقى فايق و أنا نعس ما فقت تا سمعت "الروسوفور" تيقول لي واااااا خويا راه "تيرمينيس" نوض.
أنا سميتي "المهدي" من شمال أوروبا تحديدا المغرب, أنا طالب هندسة و فاليل خدام فواحد سوبر مارشي و ساكن مع "خديجة" الزميلة ديالي فالسكن مفاهمين واخا ما تانحملش الصاط ديالها "عبد الحق" خيطي بيطي فدار... أنا ماعنديش مشكل إجي عندها ولكن المشكل هو تيجي غير فاش تانكون أنا تانتفرج أو فأيام البرد وا نووووود "المهدي" حل الباب, و على ذكر البرد حنا عندنا الشتاء بارد بزاف و الثلج و الحرارة -10 المهم حنا مولفين و هاد المناخ متعودين عليه من الصغر ديالنا.
واحد النهار كنت تانتسارا فالفايسبوك و أنا لقى "أنفيطاسيون" ديال واحد البنت سميتها "كارولين" من السويد عينيها خدريييييين و بيضااااا فين تبان على الزميلة ديالي "خدوج" و الحاجة الوحيدة لي تنعرف على السويد هي أنها فأفريقيا و أول ما طاح فبالي هو أنه عايشين مع الأسود التماسيح و تيلبسو غير شرويطة بحال "طارزان" المهم سولت الزميلة ديالي "خديكة" و هي تقولي غير "أكسيبطيها" جرب جرب و بيعاتني العجل طبعا و كليكيت على "كونفيرمي".
جاتني "نوتيفيكاسيون" تاتقول بلي "كارولين" كتبات لي فالمير ديالي.
دخلت شفت لقيتها كاتبا لي "ميرسي بوغ لاكسيبت" من بعدها مباشرة طلعلي ميصاج فيه "slt" ما فهمتهاش و أنا تسولها واش عندك شي سبع فالدار و هي تقولي... لا علاش ؟ و أنا نجاوبها... وا سويد فأفريقيا و بلا شك تاتخورجو تصيدو باش تاكلو و هي تقولي.... لا الهبيل السويد راه دولة بعيييييدة على البراري الأفريقية و بأن السويد راه قريبة لإسبانيا و وراتني شي تصاور ديال "الكسكس" و "الطاجين" عجبووووني.
المهم مع الوقت ولينا تنتكلمو بزااااف و قالتي بلي هي خدامة "كوافورا" و وراتني ماماها فالكام... وخا عينيها خدرين ولكن شعرها "زعر" و أنا متأكد بلي "ديكاباج" أأأأأأو فين عمرني شافت شي سويديا "زعرة" .
المهم داز الوقت و وليت تانبغيها و تاتبغيني و مشيت نشوفها فالسويد كيفما وعدتها ولكن كانت الصدمة بأنه هداكشي لي وراتني على السويد فالتصاور يامات "الشات" غير زوين ما وراتنيش الخايب و أنا نقول أنا تزوجت بها انعيشو فالمغرب طبعا, المهم تلقات لي فالمطار هي و مامامها و واحد مول "تريبورتور" ركابنا لور مع ما مولفوش جاتني دوخة و وصلت مريض تخلعو علييا و شربوني واحد اللعبة ما عرافتش اش هي المهم وليت صحيح و خرجوني تساريت وشف الجامع الكبير و علموني سويدية و ولاو صحاباتها تايقشبو علييا و تيديرولي "الحناء" و أنا بحال "دمدومة" ما فاهم وااااااالو, سالا "الفاكونض" ديالي ودعتهوم بالبكاء و قلت ليها تسناني واش من هنا ل6 شهور نجي باش نتزوجو .
رجعت للمغرب سلمت "على "خديجة" و "عبد الحق" و عاودت ليهم على السويد وعجباتهم, المهم خديت "دوش" و بدلت حوايجي و أنا نحل الفيسبوك لقيت صحابات "كارولين" مصيفطين لي "ضومونض" ما قدرتش نبقى فايق و أنا نعس ما فقت تا سمعت "الروسوفور" تيقول لي واااااا خويا راه "تيرمينيس" نوض.
