هذا المقال للكبار فقط ....المرجو عدم التجسس على الكبار يا صغار........بعنوان : أحلام عصام في لا سيتي سويس بأكادير...دور البطولة ..كيلعبوا هذا الشاب أو فنفس الوقت كيلعب دور الراوي وكيلعب كل الأدوار....عصام هذا الشاب تلقيت معاه صدفة واحد النهار حدا البحر ديال أنزا سلختو وشفرت ليه كورة وجاب ليا مو...تبرات فالوليدة وحيحات عليها ...سلخاتني ماما بالصمتة والبزيم.....شرح ملح ميخنز ...حتى وليت فاش كنشوفو وخا كتجيني ديك الهلوسة ديال نسلخ إماه كنفكر فالبزيم والقتلة ديال العصا ...وكنكبح الرغبة ديالي معليناش......عصام فعمرو دبا 21.......عام من برج الثور ...حياتو مرتبطة بالبحر والسيبير وT~Max لباس عليه...عندو كافي وخانز فلوس ومرة مرة كيولي ثور دبصاح ..فاش تيركب ف داك الموطور الخارق كيولي ثور وفيل.......نهيلة صاحبة عصام من برج الجوزء على حسب علمي ..وخا معنديش مع الأبراج ...الجوزاء الثور مكيجيوش مع بعضيتهوم بحال المش والفار....داك Tmax لجمعهوم ...نهيلة فعمرها 21 عام عندها الماستر فالباك مقابلة عصام وبرشلونة.....باباها رجل برلماني...وملعق كرشو كبيرة بحال ديال عصام....هذا عصام رجل مثالي عندو العضلات وخا كان غليض فصغرو ....عندو واحد صاحبو سميتو حمزة ....قراي داير الأقسام التحضيرية بغا يولي برلماني بحال بابات نهيلة....عصام عندو باباه كيدير الخير بزاف..وكيترأس جمعية الأباء ديال ليسي ديال يوسف بن تشفين....وخا هكاك ....عزيزعليا حيث كينتمي للطبقة البروليتاليا......نهيلة كتخون عصام مع صاحب صاحبو سفيان هذ الدري صعيب رائد أعمال ...عندو سكودة وكيدور ديما مع عصام كيسخرو باش إجلس هو مع نهيلة ......هذ نهيلة علاش كنهضر فيها تالولة فلسانها...مستيليا بحال إلى وكلة العدس ...وخا هكاك عصام كيبغيها ..وناوي يتزوجها مي حتى تشد الدوكتورة فالباك.....لموشكيلة هي مكلخة مكتعرف حتى تنقل ...حيت بابات عصام وصى عليها الرشايوي ديال داك المودير الحشايشي....إخرب بيتو بكراهو.شخصيا ......كلشي هدشي عاشو عصام ف8 السوايع حتى شدو بوغطاط وخسر ليه الحلمة....هذه عبارة عن قصة خيالية أي تشابه بينها وبين الواقع إنما هي نسج الخيال ...تحيات الرجل الوطواط بقلم سفيان مزيان*
طاقم مدونة الأدب
طاقم مدونة الأدب
