الحلقة الأولى
سميتي غيثة ، بلحق كنقول لناس سميتي ريتا .. مكرهتش كون كان لواليد ديالي عزيز عليه محمود
درويش أو سماني ريتا ، بلحق لواليد ديالي كان مهندس ، عندو غير مع لبلانات أو
لحسابات ، لواليد ديالي سميتو محمود أو حتى هو كان كيبان فنظري راجل درويش .. لواليدة ديالي سميتها الغالية ، كانت فرملية
فسبيطار ديال الدولة ، كانت عزيزة أو غالية عندي بزاف .. كنت كنتمنى يكون للوالدين ديالي شي قصة حب هي لي
جمعتهم قبل من الزواج ، كيفما تمنيت تكون سميتي ريتا أو كيفما تمنيت بزاف ديال
لحوايج خرى فهذ الدنيا .. كنتمنى أو كنحلم كثر من
لقياس .. تمنيت يكون سميتي ريتا باش
نكون قريبة من حبيبي ، أو تكون سميتي عيدا في فمه ، عرسا في دمه ، باش يكون
بيناتنا مليون عصفور أو صورة ، تمنيت تكون سميتي ريتا باش نقدر نتولد جوج دلمرات
أولا كثر ، تمنيت تكون سميتي ريتا باش البندقية تطلق رصاصها عليا و نموت ..
لواليدين ديالي تزوجوا زواج عادي أو تقليدي ، شافو بعضياتهم شهر قبل من الزواج ، شافو بعضياتهم مرة وحدة أو من بعد تزوجو .. تولدت أنا من بعد عام واحد من زواجهم أو ما عاودو فكرو ثاني يولدو شي دري أولا بنت .. صعيب تكون غير بوحديتك فدار ، صعيب ما يكون عندك خوتك ، كتحس براسك غير بوحدك واخا كاينين واليديك .. داكشي علاش كانت مريم أو ريم كيفما كنت كنسميها أنا أو كيفما هي كانت كتكذب على الناس أو كتقول بلي سميتها ريم ، كانت أعز صديقة عندي .. هاد لقاعيدة ديال تبدال السميات تعلمتها من عندها ، كان عزيز عليها تبدل سميتها ، كانت كتبغي تكون بحال نجوم ديال سينيما أو لمغنيات ، أغلب دوك الناس المشهورين مبدلين سمياتهم ، أو قليل فيهم لي كتكون سميتو لحقيقة معروفة شنو هي ..
ريم كانت كثر من صاحبتي ، كانت ختي ، شحال من مرة قلنا لدراري بلي حنا خواتات ، كنا كنتشابهو شي شوية .. ريم كثر من سبع سنين أو أنا كنعرفها ، عرفتها بالضبط يامات الإبتدائي ، قرات معايا و بقينا صحابات .. بقينا صحابات حتى للباك غاد الدنيا فرقات بيناتنا ، ريم ماتت فحادثة سير .. تقريبا عام أو أنا سادة على راسي فدار ، سقطت فلباك أو من بعد تخليت على الدراسة فمرة ، مقدرتش نستحمل فراق صاحبتي ريم ، مقدرتش نرجع ثاني بوحديتي ، مقدرتش نرجع نكون ريتا من جديد ، من ليوم لفوق أنا غيثة ، مني ماتت ريم ماتت أحلامي معاها ..
يتبع ...
لواليدين ديالي تزوجوا زواج عادي أو تقليدي ، شافو بعضياتهم شهر قبل من الزواج ، شافو بعضياتهم مرة وحدة أو من بعد تزوجو .. تولدت أنا من بعد عام واحد من زواجهم أو ما عاودو فكرو ثاني يولدو شي دري أولا بنت .. صعيب تكون غير بوحديتك فدار ، صعيب ما يكون عندك خوتك ، كتحس براسك غير بوحدك واخا كاينين واليديك .. داكشي علاش كانت مريم أو ريم كيفما كنت كنسميها أنا أو كيفما هي كانت كتكذب على الناس أو كتقول بلي سميتها ريم ، كانت أعز صديقة عندي .. هاد لقاعيدة ديال تبدال السميات تعلمتها من عندها ، كان عزيز عليها تبدل سميتها ، كانت كتبغي تكون بحال نجوم ديال سينيما أو لمغنيات ، أغلب دوك الناس المشهورين مبدلين سمياتهم ، أو قليل فيهم لي كتكون سميتو لحقيقة معروفة شنو هي ..
ريم كانت كثر من صاحبتي ، كانت ختي ، شحال من مرة قلنا لدراري بلي حنا خواتات ، كنا كنتشابهو شي شوية .. ريم كثر من سبع سنين أو أنا كنعرفها ، عرفتها بالضبط يامات الإبتدائي ، قرات معايا و بقينا صحابات .. بقينا صحابات حتى للباك غاد الدنيا فرقات بيناتنا ، ريم ماتت فحادثة سير .. تقريبا عام أو أنا سادة على راسي فدار ، سقطت فلباك أو من بعد تخليت على الدراسة فمرة ، مقدرتش نستحمل فراق صاحبتي ريم ، مقدرتش نرجع ثاني بوحديتي ، مقدرتش نرجع نكون ريتا من جديد ، من ليوم لفوق أنا غيثة ، مني ماتت ريم ماتت أحلامي معاها ..
يتبع ...
فيسبوك الكاتب، اضغط هنا : العربي البحتوري
