صعيب تكون بوليسي كتبقى مدة ونتا مقموع كتولي تقلب
غير على شي حد تطلع على ضهرو كراض ، تخرج فيه داك سم كامل ...
. أنشوف أش عندك فداك ساك ؟ هادي أول حاجة كالها ليا مباشرة من بعد الضحكة .. ما عندو لحق يقلب ليا ساكي أو الشانطة الصغيرة ديال لحوايج لي جايبة معايا .. صنطحتو من لمزيان ، حسيت بيه بغا يقلبهم بزز أولا بلخاطر .. مني قلت ليه راك ما عندك لحق تقلبني ، قال لي واش غتوريني خدمتي ، راه لبوليس هدا لي كيهضر معاك ،حنى راه كنحاربو لفاساد .. واش بنت ليه انا فاسيدة ، أنا راه صليحة اسم على مسمى ، بنادم كيشوفني هكدا ، كيشوفني كنكمي ، كنديها فراسي .. كياخد عليا نظرة غالطة ( أي واحد غيشوفي فهد الوقت فهد لبلاصة ، غيقول عليا قح**. أو صعيب تحيدها ليه من راسو ).. كيحارب لفاساد ، خلا على هادوك لهاربات لي منشورين حدا لابواط أو جا لعندي .. ايلا مشى لتما حدا لابواط لي قلب ليها ساكها غيلقاه عامر بريزيرفاتيف .. قال ليا ايلا ما خليتيني نقلب ليك ساك غنعيط ليك على سطافيط غتديك لكوميسارية تمى غيقلبوه بزز منك ، حساب ليه خلعني بهد لهضرة .. أنا راه حسن ليا نمشي لكوميسارية أوما نبقى هنا ، بعدا تما غنضمن بلي ما غيقرب ليا حد ( واخا حتى حاجا ما مضمونة هذ الوقت ) ، اما هنا راه معرضة لجميع أنواع الأخطار .. لمهم باش ما يبقى يصدع ليا راسي ، أنا حليت ليه ساكي أو شانطة ديالي أو وريتو أش فيهم حاجة بحاجة ، ما لقى منين يدوز ليا ، حنى راسو أو مشى .. دازت شي نص ساعة أو رجع عندي .. ما ديرها مني قلت صواب ، ما تقلقي مني قبيلة ، أنا كندير غير خدمتي ، أو خدمتنا صعيبة .. ايلا محتاجة لفلوس هاكي لفلوس باش تركبي ، ايلا خصك فين تباتي مرحبا بيك فدار عندنا .. صدمتو مني قلت ليه ياك درتي خدمتك لاش راجع عندي تاني ، واش فخدمتك كيقولو ليك ، اي واحد خديتي لاكارط ناسيونال ديالو ، أو غلطتي فيه ، عطيه لفلوس ، أو ديه بيتو فداركم ؟ صافي درتي خدمتك الله يعاونك .. لمهم هاكي ها هي نمرتي فهد لورقة ، ايلا حتاجيتي شي حاجة مني راني باقي فسربيس حتى لثمنية ديال صباح ، أولا حتى برا سربيس مرحبا .. أول مرة كنعرف بلي لبوليس غير ضاير أو كيفرق فالنوامر ، كون غير صايبو ليهم ديكارط فيزيت يعطيوها ليهم مع لمينوط ، بعدا ما غيبقاو يقلبو على لوراق يكتبو فيه نوامرهم .. حط نمرة فوق طبلة أو زاد بحالو ..
أنا فقدت لأمل ، ما غتجي لبنت تاني ، تيلفونها مازال طافي ، شحال من مرة حاولت نتاصل أو والو ، حلفت لا عاودت تاصلت بيها ، صافي غسلت عليها يدي .. باغا تشوف جمها الله يعاونها ، أصلا هو ماشي راجل ، أولاه حتى يسوسها فأقرب ضورة ، كيفما خلاها تسمح فيا فهد الليل ، أو فمدينة لي مكنعرف فيها حتى واحد ، حتى هو يقدر يسمح فيها ، شكون قال .. لمهم انا هد ليلة غندوزها باش ما كان ، بقوة ما كلست فهد لكرسي ما بقى كيشوف فيا حد ، كانو فلول كلشي مبلق فيا عينو ، بلحق دابا ميكو عليا .. صافي وليت كنولف لكلسة .. شوية واحد الطموبيلا جاية قاصداني ، حسيت بيها باغة تدخل مع جاج ديال لقهوة .. هد الطوموبيلا حتى فاتتني غاد تمات راجعة .. شي حد جاي يتبسل ، هادي ماشي هي الطوموبيل لي مشات فيها لبنت لي كانت معايا ، صافي ما بقيت كنقول عليها صاحبتي من بعد هد لبلان كامل .. هبط واحد من الطوموبيل ، أو ثاني بقى كالس فيها ، أو باينة معاهم شي بنات كالسين لور .. جات طوموبيلا خرى حتى هي معاهم ، فيها ولد أو بنت .. هادو معاهم لبنات ، يعني ما جاين قاصديني ، معندهم ما يديرو بيا .. بلحق دري لي هبط من طوموبيل جاي قاصدني ، جاي جيهتي نيشان .. غير قرب ليا و أنا ن...
يتبع …
. أنشوف أش عندك فداك ساك ؟ هادي أول حاجة كالها ليا مباشرة من بعد الضحكة .. ما عندو لحق يقلب ليا ساكي أو الشانطة الصغيرة ديال لحوايج لي جايبة معايا .. صنطحتو من لمزيان ، حسيت بيه بغا يقلبهم بزز أولا بلخاطر .. مني قلت ليه راك ما عندك لحق تقلبني ، قال لي واش غتوريني خدمتي ، راه لبوليس هدا لي كيهضر معاك ،حنى راه كنحاربو لفاساد .. واش بنت ليه انا فاسيدة ، أنا راه صليحة اسم على مسمى ، بنادم كيشوفني هكدا ، كيشوفني كنكمي ، كنديها فراسي .. كياخد عليا نظرة غالطة ( أي واحد غيشوفي فهد الوقت فهد لبلاصة ، غيقول عليا قح**. أو صعيب تحيدها ليه من راسو ).. كيحارب لفاساد ، خلا على هادوك لهاربات لي منشورين حدا لابواط أو جا لعندي .. ايلا مشى لتما حدا لابواط لي قلب ليها ساكها غيلقاه عامر بريزيرفاتيف .. قال ليا ايلا ما خليتيني نقلب ليك ساك غنعيط ليك على سطافيط غتديك لكوميسارية تمى غيقلبوه بزز منك ، حساب ليه خلعني بهد لهضرة .. أنا راه حسن ليا نمشي لكوميسارية أوما نبقى هنا ، بعدا تما غنضمن بلي ما غيقرب ليا حد ( واخا حتى حاجا ما مضمونة هذ الوقت ) ، اما هنا راه معرضة لجميع أنواع الأخطار .. لمهم باش ما يبقى يصدع ليا راسي ، أنا حليت ليه ساكي أو شانطة ديالي أو وريتو أش فيهم حاجة بحاجة ، ما لقى منين يدوز ليا ، حنى راسو أو مشى .. دازت شي نص ساعة أو رجع عندي .. ما ديرها مني قلت صواب ، ما تقلقي مني قبيلة ، أنا كندير غير خدمتي ، أو خدمتنا صعيبة .. ايلا محتاجة لفلوس هاكي لفلوس باش تركبي ، ايلا خصك فين تباتي مرحبا بيك فدار عندنا .. صدمتو مني قلت ليه ياك درتي خدمتك لاش راجع عندي تاني ، واش فخدمتك كيقولو ليك ، اي واحد خديتي لاكارط ناسيونال ديالو ، أو غلطتي فيه ، عطيه لفلوس ، أو ديه بيتو فداركم ؟ صافي درتي خدمتك الله يعاونك .. لمهم هاكي ها هي نمرتي فهد لورقة ، ايلا حتاجيتي شي حاجة مني راني باقي فسربيس حتى لثمنية ديال صباح ، أولا حتى برا سربيس مرحبا .. أول مرة كنعرف بلي لبوليس غير ضاير أو كيفرق فالنوامر ، كون غير صايبو ليهم ديكارط فيزيت يعطيوها ليهم مع لمينوط ، بعدا ما غيبقاو يقلبو على لوراق يكتبو فيه نوامرهم .. حط نمرة فوق طبلة أو زاد بحالو ..
أنا فقدت لأمل ، ما غتجي لبنت تاني ، تيلفونها مازال طافي ، شحال من مرة حاولت نتاصل أو والو ، حلفت لا عاودت تاصلت بيها ، صافي غسلت عليها يدي .. باغا تشوف جمها الله يعاونها ، أصلا هو ماشي راجل ، أولاه حتى يسوسها فأقرب ضورة ، كيفما خلاها تسمح فيا فهد الليل ، أو فمدينة لي مكنعرف فيها حتى واحد ، حتى هو يقدر يسمح فيها ، شكون قال .. لمهم انا هد ليلة غندوزها باش ما كان ، بقوة ما كلست فهد لكرسي ما بقى كيشوف فيا حد ، كانو فلول كلشي مبلق فيا عينو ، بلحق دابا ميكو عليا .. صافي وليت كنولف لكلسة .. شوية واحد الطموبيلا جاية قاصداني ، حسيت بيها باغة تدخل مع جاج ديال لقهوة .. هد الطوموبيلا حتى فاتتني غاد تمات راجعة .. شي حد جاي يتبسل ، هادي ماشي هي الطوموبيل لي مشات فيها لبنت لي كانت معايا ، صافي ما بقيت كنقول عليها صاحبتي من بعد هد لبلان كامل .. هبط واحد من الطوموبيل ، أو ثاني بقى كالس فيها ، أو باينة معاهم شي بنات كالسين لور .. جات طوموبيلا خرى حتى هي معاهم ، فيها ولد أو بنت .. هادو معاهم لبنات ، يعني ما جاين قاصديني ، معندهم ما يديرو بيا .. بلحق دري لي هبط من طوموبيل جاي قاصدني ، جاي جيهتي نيشان .. غير قرب ليا و أنا ن...
يتبع …
