هذي شي يومين كنت جاي من لصال ، شارع خاوي مع ديك العشرة ونص ، تلقيت بوحد خونا شحال ما شتو كان قرى معيا ف يمات الإبتدائي ، كان عزيز عليا . . . هاد دري كانت عند واحد اليد مريض مكيحسش بها كيكول ليه الدراري نتا ضاربك جن فصغرك ولكن الحقيقية هي أنه مين كان صغير كان كيلعب البي أو مشات ليه واحد البية للقادوس أو هو طلب صحابوا إهزوا ليه القدوس مين خشى يديه طلقوه عليه أو تعوجات ليه يديه المهيم هاد دري عايش حياة عنوانها الحكرة والمعاناة ، كان عايش مع جدو حين والديه مطلقين ، كان كيعاود ليا مسكين كي كول ليا أخويا سيمو بزاف هاد الحياة بزاف كان نمشي عند الواليدة باش نشوفها كان لقى راجلها كي دير فيا شوفات ناقصين بزاف كان فهم راسي أو كانوض أو قلبي ضارني حيت حتى شوفة ف عينين الميمة مبقاتش من حقي أو مين كان نمشي عند الواليد فلولا كي فرح بيا ولكن غير كادوز ديك ساعة كايبدا إهدر على الواليدة . . . ديك مك واحد العاهرة منها ما كان ديك موك هي سببك فهاد المحنة لعايش فيها كانخليه يهدر، ولكن من كاتجي مراتو الغليظة أو ولادو ل هما خوتي ، كايبداو إضحكو على الهضرة لكايكول الواليد ، كنود نخرج فحالي أو خاطري كيدرني بزاف مين شي حد كي سب ليا الميمة أو أنا ما عندي جهد باش ندابز . . . أو كيكول ليا خويا سيمو تهلا فراسك أو فصحتك أو ميمتك هي لولا أو مديرش العيب مع بنادم حيت العيب مع الله عندو حل تقدر تمشي لجامع أو طلبو إغفر ليك ولكن العيب مع البشار صعيب . . . كحل الراس صعيب إسمح ليك . . . خليتو إهدر على خاطروا أو مقاطعتوش حيت حسيت بهدرة خارجة من القلب زاد بقا فيا من دوى ليا على واحد خونا حاول يغتصبو هو راجل كبير عليه بزاف ولكن بقا كيغوت أو يدفعو حتى قدر إهرب منو . . . هاد الراجل لي كان عاود هاد راجل لبغى إغتصبني أخاي سيمو هو جدي عاطيها غير للشراب ،أنا بقيت مصدوم هو يكول ليا شتي أخاي سيمو هذا جدي لتوقعت منو يحميني أو يساعدني . . . عينيه غرغروا أو بقا كي كول علاش نعيش حياة هكا ياك أنا بنادم رآه الكلاب حسن مني بزاف ، شاف فيا أو كال ليا الحياة مقودة أخويا سيمو ، خاصك تستغل هاد الفرصة أو قرى قرى باش تخدم ف جوندارم أو أنا نضحك أو ضربت ليه على كتفو أو كلت ليه بان ليك غير جوندارم أ خاي أنور أو هو يكول ليا أنا مين كنت صغير كنت باغي نكون جدارمي ولكن مقريتش أو يدي معوج عنقتو أو كلت ليه سماح ليا إلا غلطت ف حقك شي مرة راك عزيز أخويا أنوار . . . عجبو لحال بزاف أو كال ليا حتا نتا عزيز أخويا سيمو . . . صافي تفارقنا ف طريق مين جيت لدار بقات هدرتو كتعاود فعقلي بحال شي فيلم بصوت وصورة وعرفت بلي أنوار نموذج لعداد ديال دراري هاد شي علاش خصنا لى الأقل نصمعو لبنادم أو نقدروا أي واحد أو نحتارموه حيت الحياة ف المغرب حياة حقيرة داير بحال دار ضيافة لعندو لفلوس إدخل إياكل أو يبات ولي معندوش تجري عليه
